一脫成名！ 09年最上鏡港姐袁嘉敏（Candy），上周六（17日）因為新片《鴨王》的兩段情慾露點戲，在網上流出，風頭一時無兩。除了半裸沖涼戲外，另一場則是袁嘉敏與男主角何浩文（Domanic）由浴室慾戰到遊艇， D奶任捽任啜，意識極大膽。
「漏片」發生後，現年30歲的袁嘉敏直言曾因追究電影公司不果，情緒爆煲，失眠兼手震。最無奈是該片導演、監製，經理人公司都冇慰問。為錢一脫無可厚非，不過最令袁嘉敏一肚氣的是，不但今次的露點價只有廿萬，而且拍攝期間導演更臨時將情慾戲由兩場變六場，冇得say no。她坦言︰「喊到手震。」
最初袁嘉敏諗過拒演臨時加插的情慾戲。「我冇power同人講我唔做囉，當時我都有喊。」
忽然慾戰
袁嘉敏同何浩文浴室大戰一幕，原來是臨時加插，事前她並不知情。
袁嘉敏 09年當選香港小姐「最上鏡小姐」後，在大台發展平平，兩年前離開時月薪只有一萬，她表示：「我唔可以長期咁生活，會抑鬱?！」曾留學澳洲，港大畢業的袁嘉敏，自恃有學歷有身材，一向我行我素。敢作敢為的她，當年不忿在大台做奀星，寧願一脫求名。
之後她轉投電影發展，在《喪屍》及《3D豪情》等三級片演出，直至去年拍《鴨王》，才豁出去露點，換來做「女一」的機會。牙尖嘴利的袁嘉敏，與《鴨王》另一女星 Jeana經常針鋒相對，更插爆對方是非精。不過稜角背後，她有鮮為人知的一面。
《鴨王》 1月 29日才正式上映，但電影未上畫，情慾露點片段已流出。據知此事令她非常不安，曾一度衝上電影公司理論，私下更頻頻向友人呻爆，被人擺上枱。周一（ 19日）晚，她找蘇民峰通宵訴苦求指點迷津。
記者事後致電蘇民峰，他說︰「嗰晚 Candy同我呻到凌晨四點。我都勸佢，做演員要忍耐，條片唔流都流咗出街。佢 27歲入運， 3至 5年內至應運，所以今年好重要，要控制情緒免影響大運。」
《鴨王》近日曝光率極高，由上周開始，先是有官方發放的劇照，之後有袁嘉敏的情慾片段流出，最後更有 Jeana啄住袁嘉敏唔放，宣傳招數極具心思。
第 1波 露點初現
上周三（ 14日），傳媒刊出袁嘉敏的露點照片。袁嘉敏身懷 34D身材，加上是首次露點，輕易為電影搏得 C1靚位。
第 2波 慾片流出
上周六，網上忽然流出兩段袁嘉敏肉搏何浩文的片段。由於片段意識大膽，連日來成為網上熱話。
第 3波 Jeana出招
《鴨王》另一女角 Jeana（左）近日不停向袁嘉敏發炮，話：「我識佢老鼠！」之後，又話會安慰慾片流出的袁嘉敏：「我會買隻米奇老鼠俾佢！」為《鴨王》引起話題。
電影公司懶理
早前拍《豪情3D》時，袁嘉敏同男主角杜汶澤已經有大膽牀上戲，但當時袁嘉敏並未露點。
20日晚，記者在食肆門口截住袁嘉敏做訪問，她直認「漏片」令她精神緊張：「件事發生咗幾日，電影公司都冇俾一個實質嘅答案我。我有問究竟查成點？佢（電影公司）話有查。我好唔開心，我真係食唔到嘢，仲成日喊到手震，因為好震驚。條片屬於電影公司，雖然我係主角，都做唔到啲乜。」
袁嘉敏聲稱已叫電影公司報警，但電影公司全無表示。她擔心有人掌握成套電影的拷貝，慢慢放上網。她無奈地說：「佢哋話會全力追緝。」袁嘉敏一心靠《鴨王》食糊，現在慾片流出，她深怕影響票房，令她翻生無望。
上次她拍《豪情3D》時，埋門一腳唔肯露點，大家都以為她是因為價錢傾唔啱，但原來只是因為該片將焦點放在日本女優身上，袁嘉敏不甘做阿二。不過《鴨王》她是女一，理應「收足錢」全裸演出，但她強調自己只是新人價。
師傅打救
周一（ 19日）晚上，袁嘉敏離開中環四百多呎寓所，買埋外賣，上蘇民峰屋企，搵他指點迷津。
關係亦師亦友
袁嘉敏在 2009年由吳君如提名參加《香港小姐》，最終奪「最上鏡小姐」。雖然她曾留學澳洲及在香港大學畢業，而且擁有 34D上圍，但發展平平。最為人記得便是與蘇民峰主持的風水節目及在劇集《潛行狙擊》中飾演情婦，更憑此成為高登女神，人氣一時急升。
2012年離開大台後，袁嘉敏便轉向電影發展，先後接拍電影《賭城風雲》、《屍城》及《豪情 3D》等，最近憑《鴨王》的全裸演出惹人談論。
袁嘉敏和蘇民峰曾在《民峰學院》及《順峰順水》合作，兩人亦師亦友。《順峰順水》
《潛行狙擊》
廿萬廉價露點
據知她今次搏盡露點，片酬原來只得廿萬，袁嘉敏說：「幾多唔會講，只能話片酬真係唔多，比之前多少少，絕對唔係一夜富貴。喺我眼中拍呢啲戲唔係壞事，係一部比較色情啲嘅劇情片。因為當時監製王晶同我講， Richard Gere（李察基爾）同 Sharon Stone（沙朗史東）都有拍過呢啲戲，所以我先肯拍，而且起初講好，只有兩場情慾戲。」
個性硬頸的袁嘉敏，談到情慾戲由兩場加到六場，眉頭緊皺。她指和何浩文沖涼那一幕，就是臨時加插。她最初也有反抗，但在遊艇內困獸鬥，最終都是半推半就拍了。
袁嘉敏無奈說：「沖涼嗰場戲係凌晨一、兩點，喺西貢海上嘅遊艇度拍。當晚我冇任何助手，去到現場我至知加咗場戲。好突然囉！我覺得早三十分鐘話我知，我感覺都好啲，好過話拍就拍。呢套戲嘅導演（區焯文）係首次執導，佢唔知要俾時間女演員做心理調節。我覺得自己冇 power同人講我唔做，當時我有喊。」
唔講唔知，原來她一直與太陽娛樂冇正式經理人合約。去年因為 Paco賞識她，才主動聯絡她合作，有工作介紹才抽佣。難怪近日有傳袁嘉敏想泊王晶碼頭，始終大樹好遮陰。
好友開解
周二晚（ 20日），袁嘉敏與兩位友人到佐敦食飯。席間她說話不多，似乎心事重重，最後食足兩個鐘便返家。
王晶最叻搵女仔除衫拍三級片。《鴨王》忽然加情慾戲，身為監製的他，照計一早心中有數。
《鴨王》導演區焯文話，因為忙碌，未有慰問袁嘉敏。不過上周六兩人曾經一同宣傳新片，區焯文補飛，話用「眼神」慰問過佢喎。
拍《舌劍上的公堂》時，大台要袁嘉敏做鄭俊弘後母。鄭俊弘年紀其實大過袁嘉敏一年，這件事令她對大台心死。
舒淇露點最平
女星露點價可以很參差，最低價是舒淇二萬五，亦有些高達過百萬。
舒淇 2萬 5千《靈與慾》
顏仟汶 50萬《野性新人類》
葉玉卿 100萬《情不自禁》
鍾淑慧 100萬《弱殺》
李麗珍 115萬《愛的精靈》
湯唯 120萬《色戒》
現階段冇得揀
拍檔暗寸
問到《鴨王》男主角何浩文，袁嘉敏的片酬有冇七位數字？何浩文笑住話：「如果係真，咁套片成本咪過千萬？」暗寸袁嘉敏片酬低。
草根出身的袁嘉敏，父母是小販。她自小捱窮，大學也是半工讀。參選港姐前她在陳可辛的電影公司工作，一早知道電影行內的運作，也明白自己缺乏「後台」支持，演藝路一定難行。尤其是拍這個戲種，面對不合理的要求，袁嘉敏只好苦笑撐過。
坦言怕嫁唔出
袁嘉敏以往多數做主持，離開大台後，她頻頻賣性感，換來工作機會。
「我出身草根，都預咗會俾人『蝦』，拍咗幾部戲都俾人臨時加『戲』。如果以後發展得好啲，我希望可以揀導演同劇本。但依家呢個 stage，自己知自己事，唔可以揀。」收入有限，袁嘉敏亦惟有睇餸食飯，現時以萬多元租住中環唐樓一個四百多呎單位，日常生活亦甚慳，少買名牌。
袁嘉敏之前曾揚言希望三十歲結婚，但自言六年冇男人的她，現在惟有繼續靠自己。問到已經 30歲才拍全裸戲，會否擔心嫁唔出？她嘆了一口氣，然後說：「我擔心?，不過依家擔心票房多啲，因為票房唔好都會影響我之後嘅工作。拍呢啲戲，一定有男性會抗拒，但呢個世界唔會一面倒嘅，我諗都有人唔介意。」
導演認加戲
致電《鴨王》導演區焯文，問到是否臨時加袁嘉敏的情慾戲？他說：「劇本係冇，但拍戲講現場感覺，一路拍一路傾。（兩場變六場喎！）嗯……臨場都有加加減減，但都根據框架做。」
談到袁嘉敏呻電影公司沒人慰問她，區焯文表示：「各有各忙，我本來都唔出席，但發生漏片咁大件事，就抽時間去回應記者。我有俾個慰問眼神佢，可能佢 feel唔到啦！」
脫星路唔易行，尤其是過了三字頭才脫的女星，當年章小蕙、鍾麗緹拍完便冇影，但亦有葉玉卿拍完後嫁得好的例子。雖然網友對袁嘉敏在新片的娘爆造型劣評如潮，但無疑她近日真是曝光率爆燈，希望蘇民峰為她指點迷津後，令她殺出一條血路。
肉彈易呃
由古至今，女星拍脫戲時，經常被無故加牀戲，更甚的是被偷拍露點照，總之就在半推半就下蝕晒底。
狄娜 被呃露點
狄娜拍《大軍閥》時，只肯全裸但不露點演出，但被導演李翰祥偷偷以隱藏攝影機拍下她的露點場面，令《大軍閥》成為狄娜唯一露點之作。
邵音音 局住剝衫
原本是台灣演員的邵音音，初初來港拍電影時，只是打算行性感，未有露點打算，但在現場被導演及監製威逼利誘之下，才正式踏上三級女星之路。
蕭美卡 加揸胸戲
2013年 DaDa（陳靜）突然宣布退出幕前，蹺起即將開拍的《喜愛夜蒲3》，激嬲導演錢國偉。有指錢國偉遷怒 DaDa師妹 Mika（蕭美卡），拍攝《喜 3》時不但要 Mika被人揸胸，最後更刪走其戲份。